So‘x tumanida oila va xotin-qizlar bo‘limi 2025-yil davomida amalga oshirilgan ishlar hamda 2026-yilda belgilangan ustuvor vazifalar bo‘yicha hisobot yig‘ilishini o‘tkazdi.

Yig‘ilishda tuman hokimligi vakillari, “Oqila ayollar” harakati yetakchisi va xotin-qizlar faollari ishtirok etdi.

Tahlil davomida So‘x tumani hokimi o‘rinbosari, oila va xotin-qizlar bo‘limi boshlig‘i Madinaxon Safarova tomonidan 2025-yilda xotin-qizlarni qo‘llab-quvvatlash, oilalarda sog‘lom muhitni saqlash, ajrimlarni kamaytirish, reproduktiv salomatlikni mustahkamlash, erta nikoh va tug‘ruqlarning oldini olish hamda bandlik va tadbirkorlikka jalb etishda olib borilgan ishlar bo‘yicha to‘liq ma’lumot berildi.

Shuningdek, 2026-yilda mahallalarda xotin-qizlar bilan ishlashni rivojlantirish, huquqbuzarliklarning oldini olish, ma’naviy-ma’rifiy uchrashuvlar tashkil etish va muammoli oilalar bilan manzilli ish olib borish vazifalariga alohida e’tibor qaratildi.

So‘x tumani hokimligi Axborot xizmati