Bugun tuman hokimi Sayidbahrom Sayidmusayev tuman hokimi o‘rinbosari Muslimbek Mavlonbekov bilan birgalikda “So‘x” shirkat xo‘jaligi hududida ijarachilar va fermerlarga tegishli yer maydonlari holatini o‘rgandi.

O‘rganish davomida “Yashil makon” umummilliy loyihasi doirasida ko‘chat ekish, ariqlarni tozalash va betonlashtirish ishlari olib borilmagani, buning barobarida ayrim hududlarda mahalliy o‘g‘it tayyorlash ishlari talab darajasida emasligi aniqlandi.

Aniqlangan kamchiliklar yuzasidan mas’ullarga qat’iy topshiriqlar berildi va muammolarni bartaraf etish bo‘yicha tegishli choralar belgilandi.

So‘x tumani hokimligi Axborot xizmati